Barala la Mitihani Tanzania latangaza Matokeo ya Upimaji wa Kitaifa Kidato cha Pili na Darasa la Nne

Imewekwa tarehe: January 8th, 2018

BARAZA la Mitihani Tanzania (NECTA) limetangaza matokeo ya mitihani ya upimaji wa Kidato cha Pili na Darasa la Nne iliyofanyika Novemba mwaka jana, huku idadi kubwa ya wanafunzi wakifaulu vizuri katika mitihani hiyo.

Akitangaza matokeo hayo leo Jumatatu, Januari 8, Katibu Mtendaji wa baraza hilo,  Dk Charles Msonde (Pichani) amesema jumla ya wanafunzi 1,086,156 waliofanya mtihani wa darasa la nne wamefaulu  kati ya 1,158,444 waliofanya upimaji huo.

Amesema  wanafunzi hao wamefaulu kwa kupata alama zenye madaraja ya A,B,C na D wakati wanafunzi 72,288 sawa na asilimilia 6.24 wamepata alama za daraja E, ambao ni ufaulu usioridhisha.

Kuhusu matokea ya upimaji wa kidato cha pili, Dk Msonde  amesema jumla ya wanafunzi 433,453 sawa na asilimia 82.32 kati ya 486,742 waliosajiliwa  kufanya mtihani huo wamepata ujuzi wa maarifa ya kuwawezesha kuendelea  na kidato cha tatu.

Dk Msonde alisema wanafunzi wa kidato cha pili  51,807 sawa na asilimia 10.68 wameshindwa kupata alama za kuwawezesha kuendelea na kidato cha tatu.

Bofya hapa chini Kutazama matokeo ya Kidato cha Pili:
1: Matokeo ya Upimaji wa Kitaifa Kidato cha Pili (FTNA) - 2017

2: Matokeo ya Upimaji wa Kitaifa Kidato cha Pili (FTNA) - 2017


Bofya hapa kutazama matokeo ya Darasa la Nne:
1: Matokeo ya Upimaji wa Kitaifa Darasa la Nne 2017 (Manispaa ya Dodoma)

2: Matokeo ya Upimaji wa Kitaifa Darasa la Nne 2017 (Manispaa ya Dodoma)