Dkt. Mpango ataka michezo ya SHIMIWI iboreshwe

Imewekwa tarehe: October 23rd, 2021

MAKAMU wa Rais,  Mhe. Dkt, Philip Isdor Mpango  ametoa maelekezo kadhaa ya kuboresha michezo ya SHIMIWI leo Oktoba 23, 2021 mjini Morogoro wakati akifanya ufunguzi rasmi wa michezo ya mashindano haya.

Amepongeza kazi nzuri iliyofanywa na Wizara ya Sanaa, Utamaduni na Michezo na Uongozi wa SHIMIWI  wa kurejesha mashindano hayo kufuatia maelekezo ya Serikali ya kutaka michezo hiyo ifufuliwe  yaliyotolewa na Waziri Mkuu hivi karibuni.

Katibu Mkuu wa Sanaa, Utamaduni na Michezo Dkt. Hassan Abbasi ambaye amezungumza kwa niaba ya Waziri mwenye dhamana ya michezo amemshukuru Mhe. Makamu Rais  kwa kukubali kuwa mgeni rasmi na kuja kufungua mashindano hayo kwa niaba ya Mhe. Rais ambapo ametumia fursa hiyo kufafanua mafanikio lukuki yaliyopatikana  kwenye sekta ya michezo katika kipindi kifupi cha Serikali ya Awamu ya Sita.

Katika mashindano ya mwaka huu Wizara 24, Mikoa 11  Wakala 4 na Idara 8 za Serikali zimeshiriki.