Dodoma Jiji FC yaiadhibu JKT Tanzania

Imewekwa tarehe: September 12th, 2020

TIMU ya Dodoma Jiji FC inayomilikiwa na Halmashauri ya Jiji la Dodoma imefanikiwa kuibuka na ushindi wa mabao 2 kwa 0 mbele ya wenyeji wao JKT Tanzania katika mchezo uliopigwa kwenye dimba la Jamhuri Jijini Dodoma, kwa matokeo hayo Dodoma Jiji FC inafikisha alama 6 baada ya kushinda michezo yake yote miwili ya mwanzo wa Ligi Kuu ya Vodacom Tanzania Bara.

Katika mchezo huo uliojaa mbinu na ushindani mkubwa muda wote wa mchezo ulizikutanisha timu zote za Jijini Dodoma na kuandika historia ya pambano la 'Derby' mpya katika Ligi Kuu ya VPL. JKT ndio walikuwa wenyeji wa pambano baada ya kushinda pambano lake la ugenini kwa bao 1 - 0 dhidi ya Kagera Sugar wiki iliyopita. Dodoma Jiji FC wao ulikuwa mchezo wao wa pili baada ya kushinda mchezo wa kwanza dhidi ya Mwadui kutoka Shinyanga kwa bao 1 - 0. Kwa matokea haya Dodoma Jiji wamejikushanyia alama 6 katika michezo hii miwili.

Wakicheza kwa tahadhari na kuwa na mipango na mchezo Dodoma Jiji FC walifanikiwa kupata goli la kuongoza kupitia mchezaji wake Jamal Mtegeta aliyemhadaa golikipa wa JKT na kumpita beki mmoja kabla ya kufunga mnamo dakika ya 50, na Dickson Ambundo akahitimisha kwa goli zuri dakika ya 80 na kuihakikishia Dodoma Jiji FC ushindi mnono mfululizo.

Hongera sana Dodoma Jiji FC "HalmashauriYetuTimuYetu".

Mchezo ujao Dodoma Jiji FC itasafiri kwenda Jijini Tanga kupambana na Coastal Unioni ya Tanga. Kila la heri Dodoma Jiji!