Dodoma Jiji FC yaipapasa Ruvu Shooting

Imewekwa tarehe: October 2nd, 2020

TIMU ya Dodoma Jiji FC leo imedhihirisha ubabe wake katika dimba lake la nyumbani Jamhuri Jijini Dodoma baada ya 'kuipapasa' timu ya Ruvu shooting kwa kuifunga magori 2 - 0.

Mchezo ulianza kwa kila timu kujitahidi kusoma mbinu za mpinzani wake, iliwachukua Dodoma Jiji dakika 30 kuandikisha goli lao la kuongoza kupitia kwa kiungo mshambuliaji Cleophas Mkandala aliyetumia vema makosa ya Golikipa wa Ruvu Bidiyu Abdallah kupiga vibaya mpira ambao ulimfikia mfungaji aliyefunga goli la kiufundi akiupitisha mpira juu ya wachezaji na kujaa wavuni.

Dodoma Jiji ilijipatia goli la pili dakika ya 39 lililofungwa na Jamal Mtegeta akipokea pasi murua kutoka kwa Cleophas Mkandala.

Ushindi wa leo kwa Dodoma Jiji FC umeifanya ifikishe pointi 10 ikisogea kutoka nafasi ya sita hadi ya nne katika msimamo wa Ligi Kuu ya Vodacom baada ya mechi moja ya leo.

Kikosi cha Dodoma Jiji FC leo kiliwakilishwa na Aron Kalambo, Steven Mganga, Jukumu Kibanda, Mbwana Kibacha (Nahodha), Augustino Samson, Rajabu Mgalula, Dickson Ambundo, Cleophace Mkandala, Anuary Jabiri, Khamis Mcha na Jamal Mtegeta. Akiba: Mseja, Wawa, Kapona, Hoza, Kanyoro, Mapunda na Karihe.

Wachezaji wa timu ya Dodoma Jiji FC wakishangilia golil la pili lililowekwa kimiani na Jamal Mgetega.