Dodoma Jiji FC yaipiga Kipigwe FC 7 - 0

Imewekwa tarehe: February 28th, 2021

TIMU inayomilikiwa na Halmashauri ya Jiji la Dodoma, Dodoma Jiji FC leo imeendeleza wimbi la ushindi katika michezo yake kwenye dimba la Jamhuri baada ya kuiangushia kipigo cha bila huruma timu ya Kipigwe FC kutoka Iringa kwa mabao 7 – 0.

Kwa ushindi huo katika mchezo wa duru la 4 la mashindano ya Kombe la Shirikisho la Azam, Dodoma Jiji ilianza kujipatia goli la kwanza katika dakika ya 20 lililowekwa kimiani na mshambuliaji wake hatari Anuary Jabiri.

Magoli mengine yalifungwa na Dickson Ambundo (25), Anuary Jabiri (35,68), Peter Mapunda (44, 82), Mganga (54) na hivyo kumfanya Anuary Jabiri kuibuka na magoli matatu (hat trick) katika mchezo huo.

Katika mchezo uliopita wa mashindano hayo Dodoma Jiji FC iliifunga timu ya Hollywood FC magoli 5 – 0 na kuvuka kutoka hatua ya 32 bora na kuingia kwenye kundi la timu 16 bora, sasa imevuka hadi kundi la 8 bora ambapo inatarajiwa kukutana uso kwa uso na ndugu zao timu ya KMC FC inayomilikiwa na Halmashauri ya Manispaa ya Kinondoni mchezo utakaopigwa katika uwanja wa Jamhuri.

Huo ni muendeleo wa timu ya Dodoma Jiji FC kushinda michezo yake katika Uwanja wa nyumbani wa Jamhuri tarehe 4 Machi, 2021.