Dodoma Jiji vs Simba, vita ya point 3

Imewekwa tarehe: September 30th, 2021

TIMU ya Dodoma JIJI FC kesho inakutana na Simba katika uwanja wa Jamhuri 'machinjioni' jijini Dodoma kutafuta pointi tatu muhimu katika mchezo wa pili kwa timu zote ikiwa ni muendelezo wa Ligi Kuu nchini.

Simba itaingia katika mchezo huu ikiwa na kumbukumbu ya kulazimishwa sare ya bila bila na Biashara ya Mara 'Wanajeshi wa mpakani', wakati Dodoma Jiji iliishinda Ruvu Shooting 'Wana mpapaso' kwa bao 1 - 0 kwenye mchezo wao wa kwanza.

Bila shaka Dodoma Jiji itaingia katika mchezo huo kwa lengo moja tu, kuhakikisha inaendeleza ushindi katika mchezo huu wa nyumbani na endapo itashinda itapanda kuongoza msimamo wa ligi hiyo.

Kiingilio katika mchezo huo kimetajwa kuwa shilingi 20,000 VVIP, shilingi 10,000 VIP A na shilingi 5,000 jukwaa la mzunguko.

Tovuti hii inaitakia ushindi timu ya Dodoma Jiji FC almaarufu 'Walima Zabibu'. Wana Dodoma shime tujitokeze kuishangilia timu yetu ya nyumani.