Dodoma tuiunge mkono DJFC – Diwani Awadhi

Imewekwa tarehe: January 19th, 2023

Na. Dennis Gondwe, DODOMA

WAKAZI wa Halmashauri ya Jiji la Dodoma wametakiwa kujitokeza na kuiunga mkono timu ya mpira wa miguu ya Dodoma Jiji Football Club (DJFC) inayoshiriki ligi kuu Tanzania bara ili iweze kufanya vizuri.

Kauli hiyo ilitolewa na Diwani wa Kata ya Zuzu, Awadhi Abdallah alipokuwa akiongelea nafasi ya wakazi wa Jiji la Dodoma katika kuiunga mkono timu hiyo.

“Dodoma Jiji football club ni timu ya wanadodoma, siyo timu ya jiji wala timu ya mtu. Wanadodoma wote tunapaswa kuishika mkono timu hii na kuiunga mkono wakati wote.

Na sisi kama viongozi tunapaswa kuishirikisha jamii kutambua timu hii ni ya kwao na kupata mawazo yao ili kuhakikisha timu inafanya vizuri” alisema Abdallah.