Mama Samia azindua Maonesho ya Nanenane 2020

Imewekwa tarehe: August 1st, 2020

MAKAMU wa Rais wa Jamhuri ya Muungano wa Tanzania, Mhe. Samia Suluhu Hassan leo tarehe 01/08/2020 amezindua rasmi Maonesho ya Sikukuu ya Wakulima Nanenane Mkoani Simiyu na kuangalia mazao ya aina mbalimbali katika mabanda ya maonesha ambayo kwa mwaka huu yamebebwa na ujumbe usemao "Nanenane kwa maendeleo ya Kilimo, Mifugo na Uvuvi, Chagua Kiongozi Bora 2020".

Aidha, sambamba na Uzinduzi wa Sikukuu wa Wakulima Nanenane, Mama Samia amezindua jengo la Kituo cha Elimu kwa Wakulima Kanda ya Ziwa Mashariki wakati wa uzinduzi wa maonesho hayo. Vilevile amezindua Muongozo wa Kitaifa wa Uongezaji wa Virutubisho katika matumizi ya Mazao  wa Mkoa wa Mara na kumkabidhi Mhe. Adam Malima Mkuu wa Mkoa wa Mara. Uzinduzi huu umefanyika katika viwanja vya Nyakabindi Mkoani Simiyu.