Jiji Dodoma lapeleka viwanja kwa wajumbe wa ALAT Taifa

Imewekwa tarehe: September 28th, 2021

Halmashauri ya Jiji la Dodoma imefikisha huduma ya uuzaji wa viwanja kwenye viunga vya Ukumbi wa Jakaya Kikwete Jijini Dodoma mahali kunakofanyika Mkutano Maalum wa Uchaguzi wa Viongozi wa ALAT Taifa kwa lengo la kuwasogezea huduma hiyo wajumbe wa Mkutano huo ambao umejumuisha Mameya, Wenyeviti, Wakurugenzi wa Halmashauri nchini, viongozi na watumishi mbalimbali wanaohudhuria mkutano huo maalum.

Akizungumza na tovuti hii, Afisa Ardhi na Mipango miji kutoka Jiji la Dodoma Aisha Masanja amesema wameona ni vema kuwasogezea karibu wajumbe wa mkutano huo maalum ili kuwapa fursa ya kununua viwanja na kuwekeza katika Jiji hili linalokua kwa kasi, ikumbukwe Dodoma ndio Makao Makuu ya Nchi, hali ambayo inavutia kuimarika kwa biashara na uwekezaji katika maeneo mbalimbali ya utoaji huduma.