JK atembelea mashamba yake jijini Dodoma

Imewekwa tarehe: July 16th, 2019

Rais Mstaafu wa awamu ya nne wa Jamhuri ya Muungano wa Tanzania Dkt. Jakaya Mrisho Kikwete amefanya ziara fupi katika Jiji la Dodoma kwa lengo la kutembelea maeneo ambayo aliyanunua miaka ya 1980. Katika ziara yake hiyo, aliambatana na mke wake, Mama Salma Kikwete, watoto wake, Mkurugenzi wa Jiji la Dodoma Godwin Kunambi pamoja na Wataalamu wa ardhi wa Jiji la Dodoma.

Maeneo hayo kwa sasa yanatakiwa kupimwa na kutengenezewa utaratibu mpya wa matumizi bora ya ardhi kwa mujibu wa ramani za mipango miji.

Rais mstaafu Jakaya Kikwete na mkewe mama Salma Kikwete wakiangalia zao la zabibu kwenye shamba lao walipotembelea shamba hilo leo. Mkurugenzi wa Jiji Godwin Kunambi (aliyeshika zabibu) na Mh. Ridhiwani Kikwete (kushoto) wakifurahia zao hilo la biashara.