Kampeni ya kuhamasisha kujiandikisha kwenye Daftari la kudumu la wapigakura yazinduliwa

Imewekwa tarehe: September 26th, 2024

Uongozi wa Mkoa wa Dodoma chini ya Mkuu wa Mkoa huo, Mhe. Rosemary S. Senyamule, lumezindua rasmi kampeni ya kuhamasisha kujiandikisha kwenye daftari la kudumu la wapiga kura na kushiriki Uchaguzi wa Serikali za Mitaa mwaka 2024 .

Kampeni hiyo imezinduliwa kwa shamrashamra za Bonanza la wadau wa michezo mbalimbali wakiwemo wasanii, waigizaji, waimbaji wa ngoma za asili, rede, kukimbia na magunia, kukimbia na yai, kuvuta kamba, kukuna nazi, kucheza bao na shindano la kunywa soda ambapo washindi walijipatia zawadi mbalimbali ikiwemo vikombe na medali.

Bonanza hilo limefanyika katika uwanja wa Sheli Complex, Kata ya Chamwino Jijini Dodoma, ambapo lilitanguliwa na matembezi kuanzia katika ofisi ya Mkuu wa Mkoa kuelekea katika viwanja hivyo.