KATA YA Chamwino yafanya Maadhimisho ya Siku ya lishe

Imewekwa tarehe: September 25th, 2024

Mtaa wa Sokoine ambao upo katika Kata ya Chamwino, Halmashauri ya Jiji la Dodoma umeadhimisha siku ya Afya na Lishe ya Kijiji/Mtaa (SALIKI), maadhimisho haya yataendelea katika mitaa yote ndani ya Kata ya Chamwino.

Maadhimisho haya yameshuhudiwa na Viongozi wa Mtaa wakiongozwa na Mwenyekiti wa Mtaa wa Sokoine Ndugu *Ally Yassin Ally*, Afisa Mtendaji Bi. *Happyness Daudi* , wajumbe wa serikali za Mtaa pamoja na Mabalozi

Mtaa wa Sokoine umefanikisha Maadhimisho haya kwa kushirikiana na Wataalamu kitoka *Zahanati ya Chamwino pamoja na Zahanati ya Majengo.*

Huduma zilizotolewa ni pamoja na elimu ya Afya na lishe, upimaji wa macho, maonesho ya makundi matano ya vyakula na upikaji wake, upimaji wa afya ukihusisha kupima BP, HIV, Malaria, uzito na urefu (BMI) pamoja na kutoa vyeti kwa watoto wadogo, Matone ya vitamin "A" na dawa za miyoo kwa watoto chini ya Umri wa miaka 5.