Dodoma Jiji yapiga hodi kwa kishindo Ligi Kuu

Imewekwa tarehe: September 6th, 2020

TIMU ya Dodoma Jiji FC inayomilikiwa na Halmashauri ya Jiji la Dodoma imeanza mbio za mashindano ya Ligi Kuu ya Vodacom kwa kushinda mchezo wake wa kwanza dhidi ya Mwadui FC ya mjini Shinyanga baada ya kuishinda kwa bao 1 - 0.

Mchezo huo ulikuwa mkali na wenye upinzani mkubwa kwa muda wote wa mchezo, kila timu ikitaka kuanza ligi kwa ushindi. Walikuwa ni wenyeji Dodoma Jiji FC waliofanikiwa kutoka kifua mbele baada ya goli zuri la ushindi lililofungwa na mshambuliaji wake Khamis Mcha katika dakika ya 70 ya mchezo na kuwainua wapenzi na mashabiki wa timu hiyo.

Katika mchezo wa leo Dodoma Jiji FC iliwakilishwa na Aron Kalambo, Anderson Solomon, Abubakar Ngalema, Augustino Nsata, Mbwana Kibacha, Salmin Hoza, Jamal Mtegeta, Cleophace Mkandala, Anuar Jabir, Khamis Mcha na Seif Karie.