Mkurugenzi 'awafunda' watumishi

Imewekwa tarehe: November 13th, 2018

MKURUGENZI wa Halmashauri ya Jiji la Dodoma Godwin Kunambi pamoja na Wakuu wa Idara na Vitengo wa Jiji hilo amefanya kikao cha kazi na Wataamu mbalimbali waliopo katika Kata zote 41 za Jiji hilo mwishoni mwa wiki.

Wataalamu waliohudhuria kikao hicho ni pamoja na Maafisa Tarafa, Maafisa Watendaji wa Kata, Maafisa Ugani, Watendaji wa Mitaa na Vijiji, Waratibu wa Elimu Kata, Walimu Wakuu wa Shule za Msingi, Wakuu wa Shule za Sekondari na Waganga Wafawidhi wa vituo vya Afya na Zahanati.

Kikao hicho kilicholenga kuimarisha utendaji kazi katika ngazi mbalimbali ndani ya Halmashuri, kilifanyika katika Ukumbi wa Chuo cha Mipango ya Maendeleo Vijijini (IRDP) nje kidogo ya jiji la Dodoma.