Muungano FC yabeba ubingwa Kombe la Mavunde

Imewekwa tarehe: September 16th, 2019

Fainali za Mashindano ya Mavudne Cup kata ya Mkonze leo imefikia tamati kwa Timu ya Muungano FC kuibuka na ushindi wa penati 5-4 dhidi ya Chinyika FC katika mchezo uliokuwa mgumu katika dakika 90 na ambao ulihudhuriwa na wakazi wengi wa kata ya Mkonze akiwemo msanii maarufu wa muziki wa kizazi kipya Ben Pol ambaye aliambatana na mkewe Anerlisa Muigai.

Akizungumza wakati wa kutoa zawadi kwa washindi, Mbunge wa Jimbo la Dodoma Mjini Mhe. Anthony Mavunde amewataka Vijana wa kata ya Mkonze kujituma zaidi katika michezo ili kuendeleza vipaji vyao kwa kuwa michezo ni ajira na ni kati ya sekta zinazoajiri vijana wengi kwa sasa.

Akitoa salamu kwa niaba ya vijana, Mwenyekiti wa UVCCM-Dodoma mjini Ndugu Said Kasote amewataka vijana kuchangamkia mashindano hayo yanayodhaminiwa na Mbunge Mavunde kuyatumia kama fursa ya kuonesha vipaji vyao.

Naye Diwani wa kata ya Mkonze Mhe. David Bochela, kwa niaba ya wananchi wa Mkonze, amemshukuru Mbunge Mavunde kwa ufadhili wa mashindano hayo ambayo yamekuwa kivutio na burudani kwa wananchi wa mkonze kwa muda wote.

Moja ya magoli yayofungwa kwenye mchezo wa fainali ya Kombe la Mavunde.

Chanzo: Dodoma_Zone Group