NBC Marathoni yachangia milioni 100 kupambana na Saratani

Imewekwa tarehe: November 22nd, 2020

MAKAMU wa Rais wa Jamhuri ya Muungano wa Tanzania Mhe. Samia Suluhu Hassan, amekabidhi Shilingi milioni mia moja (100,000,000) kwa Taasisi ya Saratani ya Ocean Road kutoka Benki ya NBC.

Mchango huo umekabidhiwa kwa Mkurugenzi wa Taasisi ya Saratani ya  Ocean Road Dkt. Julius Mwaitenanga fedha iliyotolewa na Benki ya NBC kwa ajili ya kuchangia  mapambano dhidi ya Saratani ya mlango wa Kizazi kwa akina mama kwenye Maadhimisho ya Mashindano NBC Marathon mwaka 2020  yenye lengo la kukusanya fedha kwa ajili ya  mapambano dhidi ya Saratani ya mlango wa Kizazi kwa akina mama yaliyofanyika leo Novemba 22,2020 katika Uwanja wa Jamhuri Jijini Dodoma.

Mashindano hayo maalumu yaliyoongozwa na Makamu wa Rais yameshirikisha wakimbiaji wa mbio za marathoni kilometa 42.195, kilometa 21, kilometa 10 na kilometa 5.

Aidha, baada ya mashindano hayo washiriki na wananchi waliojitokeza walipata nafasi ya kushuhudia burudani kutoka kwa wasanii mbalimbali wa kizazi kipya.

Makamu wa Rais wa Jamhuri ya Muungano wa Tanzania Mhe. Samia Suluhu Hassan (katikati), akimkabidhi mfano wa Hudi ya Shilingi milioni mia moja 100,000,000. Mkurugenzi wa Taasisi ya Saratani ya  Ocean Road Dkt. Julius Mwaitenanga (kushoto) iliyotolewa na Banki ya NBC kwa ajili ya kuchangia  mapambano zidi ya Saratani ya mlango wa Kizazi kwa akina mama kwenye Maadhimisho ya Mashindano NBC Marathon mwaka 2020  yaliyofanyika Jijini Dodoma.