Nzuguni wafurahia visima vipya 5 vya maji

Imewekwa tarehe: October 10th, 2022

MAMLAKA ya Majisafi na Usafi wa Mazingira Dodoma (DUWASA) kwa kushirikiana na wananchi imepongezwa kwa kufanikiwa kutatua kero ya maji katika eneo la Nzuguni jijini Dodoma.

Diwani wa Kata ya Nzuguni, Mhe. Aloyce Luhega ametoa pongezi hizo leo tarehe 10 Oktoba, 2022 mbele ya Naibu Waziri wa Kilimo ambaye pia ni Mbunge wa Jimbo la Dodoma Mjini, Mhe. Anthony Mavunde, Mkuu wa Wilaya ya Dodoma, Mhe. Jabir Shekimweri na viongozi wengine wakati wa ziara katika eneo la Nzuguni ambapo visima vipya vitano vimechimbwa katika hilo.

Aidha, akizungumza kwa niaba ya wananchi, Diwani wa Kata ya Nzuguni, Mhe. Aloyce Luhega ameishukuru serikali kwa kuingalia kata ya Nzuguni kwa upekee katika utatuzi wa changamoto kubwa ya maji na hasa ikizingatiwa kwamba Nzuguni ni eneo ambalo linakuwa kwa kasi kubwa sana Jijini Dodoma.