Rais Magufuli afika kutoa pole na kuwafariji familia ya Mzee Mkapa

Imewekwa tarehe: July 25th, 2020

Rais wa Jamhuri ya Muungano wa Tanzania, Dkt. John Pombe Magufuli leo amefika Masaki jijini Dar es Salaam nyumbani kwa marehemu Mzee Benjamin William Mkapa na kuwapa pole na kuwafariji mjane Mama Anna Mkapa na wana familia ya Mzee Mkapa.

Aidha, Mheshimiwa Rais alitumia fursa hiyo kuweka saini kwenye kitabu cha maombolezo na kujumuika pamoja na familia kufanya sala ya kumuombea marehemu Mzee Mkapa.

Tazama picha za matukio mbalimbali.

Rais Dkt. John Magufuli na mama Janeth Magufuli wakiwasiri nyumbani kwa marehemu Mzee Mkapa

Mama Janeth Magufuli na mama Anna Mkapa (mjane wa marehemu Mzee Mkapa) wakisalimiana kwa majonzi makubwa.

Rais Magufuli akisalimiana na mama Anna Mkapa nyumbani kwake Masaki jijini Dar es Salaama.

Mheshimiwa Rais Dkt. Magufuli akimpa pole mama Anna Mkapa (mjane wa marehemu Mzee Mkapa) kushoto ni mama Janeth Magufuli.

Mheshimiwa Rais Dkt. Magufuli akiweka saini kwenye kitabu cha maombolezo.

Rais Magufuli akiongea kuwapa pole wanafamilia wa marehemu Mzee Mkapa.

Rais Magufuli, mama Janeth Magufuli, mama Anna Mkapa na wanafamilia wakifanya sala kwa pamoja.

Rais Dkt. Magufuli akiondoka nyumbani kwa marehemu Mzee Mkapa baada ya kutoa pole, faraja na kushiriki pamoja na familia kufanya sala.