Rais Samia atunukiwa Tuzo Nigeria

Imewekwa tarehe: September 11th, 2022

RAIS wa Jamhuri ya Muungano wa Tanzania, Samia Suluhu Hassan amepokea tuzo ya heshima ya Pyne Africa Awards 2022 katika hafla iliyofanyika kwenye viunga vya Eko Hotels na Suites, jijini Lagos, Nigeria. 

Rais Samia ametunukiwa tuzo hiyo baada ya kuchaguliwa kama Rais bora muwajibikaji katika kuiendeleza sekta ya utalii barani Afrika.

Tuzo hii imepokelewa na Balozi wa Jamhuri ya Muungano wa Tanzania chini Nigeria, Dk. Benson Alfred Bana  kwa niaba ya Rais. Halfa hii ilihudhuriwa pia na Meya Mkuu wa Zanzibar, Ndugu Mahomoud Mussa na Mwenyekiti wa Tume ya Utalii Zanzibar, Rahim Bhaloo. 

Aidha, Rais wa Serikali ya Mapinduzi ya Zanzibar, Dk. Hussein Ali Mwinyi amepokea tuzo ya heshima kwa kutambua mchango wake wa mfano katika kukuza sekta ya Utalii Zanzibar ambayo ni kivutio cha Utalii.

Chanzo: Michuzi Blog