Rais Samia awaagiza Makatibu Tawala kuzingatia sheria

Imewekwa tarehe: June 3rd, 2021

RAIS wa Jamhuri ya Muungano wa Tanzania,Samia Suluhu Hassan amewataka Makatibu Tawala wa Mikoa kwenda kufanya kazi zao kwa kuzingatia Sheria kwa kusimamia haki kwa kutatua kero za wananchi.

Rais Samia  ametoa maagizo hayo June 2, 2021 Ikulu ya Chamwino Mkoani Dodoma mara baada ya kuwaapisha Makatibu  Tawala wa Mikoa pamoja na wakuu mbalimbali wa Taasisi akiwemo Kamishina wa Makosa ya jinai nchini DCI pamoja na Waziri wa Nchi, Ofisi ya Rais, Ikulu (Kazi Maalum) Mhe.George  Mkuchika 

Aidha amewataka kwenda kufanya kazi  kwani Majukumu yaliyo mbele yao  ni makubwa wao pia  ni Makatibu wa Kamati za usalama za Mikoa hivyo wanatakiwa  kuwashauri wakuu .

“Nimewateua sio kuwa mkawe ndio kikwazo Cha kukwamisha maendeleo au kulumbana nyie kwa nyie hapana Nchi hii itajengwa na mtanzania yeyote bila kuangalia katoka wapi sasa mkuu wa mkoa wa Iringa najua utakuwa nakazi kubwa lakini nikutoe hofu nenda kachape kazi,”amesema Rais Samia

Hata hivyo amesema kuwa hatavumilia viongozi wanaodhulumu mali za wananchi ikiwemo kujimilikisha ardhi na kuwapola wananchi maeneo yao kwa nguvu. 

“Kuna baadhi ya viongozi walifika katika maeneo yao yakazi wao ndio wanakuwa wakwanza kujimilikisha ardhi badala ya kutatua migogoro sasa sitalifumbua macho Hilo swala hata kidogo,”amesema Rais  Samia.

Pia amekemea  tabia ya uonevu makazini kuanzia ngazi za mikoa na kuagiza hali hiyo iachwe Mara moja kwani Sheria za kazi haziruhusu vitendo vya uonevu makazini wafanyakazi wote wanalengo moja la kuwatimikia wananchi na kuleta maendeleo nchini.

Mhe Rais Sami amewaagiza wakafanye ubunifu wa vyanzo vya mapato yake ya ndani na kutengeneza fursa kwa wawekezaji zaidi kuwekeza nakuachia kuwasumbua katika kupata vibali na maeneo kama yapo wapewe kwa haraka ili uchumi wa nchi ukue.

“Kazi yenu kubwa ni kusimamia vizuri mapato ya Serikali nakuongeza mbinu za kuongeza wawekezaji ili kuhakikisha Pato la Taifa  linaongezeka na si vinginevyo,”ameongeza Rais.