UUJUMBE WA MAAFISA WA JESHI KUTOKA SADC WATEMBELEA MANISPAA YA DODOMA

Imewekwa tarehe: October 9th, 2017

Ujumbe wa Maafisa wa Jeshi kutoka nchi za Jumuiya ya Maendeleo ya Nchi za Kusini mwa Afrika - SADC umetembelea ofisi za Manispaa ya Dodoma na kupokelewa na mwenyeji wao Mkurugenzi wa Halmashauri hiyo Godwin Kunambi.

Maafisa hao wanaochukua mafunzo ya Ukamanda na Unadhimu wa Jeshi kutoka chuo cha Kijeshi kilichopo Arusha walifanya mazungumzo na Mkurugenzi Kunambi pamoja na wakuu wa Idara na Vitengo wa Manispaa.

Katika ziara hii ya mafunzo, ujumbe huo uliokuwa na maafisa wasiopungua 30 ulitaka kujua yafuatayo:

• Historia ya Halmashauri ya Manispaa ya Dodoma
• Majukumu/Shughuli kuu za Halmashauri
• Muundo wa uongozi
• Shughuli za kiuchumi kwa jamii katika Halmashauri ya Manispaa ya Dodoma
• Shughuli za kisiasa kwa jamii katika Halmashauri ya Manispaa ya Dodoma
• Jukumu la Halmashauri katika kukuza uchumi wa taifa
• Juhudi za uhifadhi wa mazingira
• Program za Halmashauri katika huduma za Afya
• Changamoto zinazoikumba Halmashauri
• Mipango na matarajio ya baadae
• Na masuala mengine ya maendeleo.