Upatikanaji dawa, vifaa tiba waimarika

Imewekwa tarehe: March 21st, 2023

HALI ya upatikanaji dawa na vifaa tiba imeongezeka kwa kiasi kikubwa. Katika kipindi cha awamu ya sita hali ya upatikanaji wa dawa katika Halmashauri ya Jijila Dodoma imeongezeka kutoka asilimia 84.6 hadi 91 kwa dawa muhimu.

Mganga Mkuu wa Jiji la Dodoma, Dkt.Andrew Method anasema ongezeko hilo la upatikanaji wa dawa muhimu unatokana na ongezeko la fedha za ruzuku za ununuzi wa dawa na vifaa tiba kutoka Serikali kuu.

Sambamba na ongezeko la ukusanyaji wa mapato kutoka katika vituo vya kutolea huduma kutoka asilimia 80 mwaka 2020 hadi kufikia asilimia 116 mwaka 2022. Makusanyo hayo yamepelekea kuimarisha upatikanaji wa vifaa tiba anasema Dkt. Method.