Wafanyabiashara, Wawekezaji wa Tanzania, Misri wakutana Dar

Imewekwa tarehe: December 5th, 2021

MKUTANO wa wafanyabiashara na wawekezaji kati ya Tanzania na Misri umefanyika katika hoteli ya Hyatt Regency leo tarehe 05 Desemba, 2021 kwa lengo la kuwakutanisha wafanyabiashara na wawekezaji  wa Tanzania na Misri.

Wafanyabiashara na wawekezaji pia wamepata fursa ya kukutana na Taasisi za Serikali zenye miradi ya kipaumbele ambazo zinafanya kazi moja kwa moja na wawekezaji.

Mkutano huo umehudhuriwa na Waziri wa Uwekezaji, Mhe. Geoffrey Mwambe, Waziri wa Biashara (Zanzibar), Mhe. Omar Said Shaaban, Naibu Waziri wa Nishati, Mhe. Steven Byabato na Mkurugenzi wa Mamlaka ya Uwekezaji nchini Misri (GAFI), Mhe. Mohamed Abdel Wahab pamoja na Wakurugenzi wa Taasisi mbalimbali za Serikali.