Waziri Simbachawene aongoza kikao cha Mawaziri kujadili mbinu ya kutatua na kukabili vitendo vya ukatili

Imewekwa tarehe: January 6th, 2023

WAZIRI wa Nchi Ofisi ya Waziri Mkuu Sera, Bunge na Uratibu George Simbachawene ameongoza kikao cha Mawaziri kujadili mbinu ya kutatua na kukabili vitendo vya ukatili kwa watoto na Wanawake linaloendelea katika Jamii.

Katika kikao hicho kilichofanyikaJijini Dodoma kimehusisha Mawaziri mbalimbali wakiwemo Waziri wa Elimu, Sayansi na Teknolojia, Prof. Adolph Mkenda, Waziri wa Nchi Ofisi ya Rais Tawala za Mikoa na Serikali za Mitaa (TAMISEMI) Angela Kairuki, Waziri wa Nchi Ofisi ya Waziri Mkuu Kazi, Vijana, Ajira na Wenye Ulemavu Prof. Joyce Ndalichako, Naibu Waziri wa Afya Dkt. Godwin Mollel na Naibu Waziri wa Katiba na Sheria Geofrey Pinda.

Waziri wa Maendeleo ya Jamii, Jinsia, Wanawake na Makundi Maalum Dkt. Dorothy Gwajima amewaomba Mawaziri ushirikiano kuhakikisha changamoto hiyo inapungua au kuisha kabisa kwa kuweka mpango wa muda mfupi na mrefu kwa pamoja.