Zoezi la uboreshaji wa daftari la kudumu la wapiga kura laanza jijini Dodoma

Imewekwa tarehe: December 6th, 2019

Zoezi la kuboresha daftari la kudumu la wapiga kura limeanza rasmi leo tarehe 6/12/2019 katika Jimbo la Dodoma mjini. Zoezi hili litaendelea kwa muda wa siku 7 kila siku kuanzia saa 2 kamili asubuhi hadi saa12 kamili jioni na kukamilika tarehe 12/12/2019.

Zoezi hili linawahusu wananchi wote ambao wamefikisha umri wa miaka 18 na hawajaandikishwa kwenye daftari la kudumu la wapiga kura ama wale wote ambao hadi kufikia mwezi Oktoba 2020 watakuwa wamefikisha umri wa miaka 18. Pia linawahusu wananchi wanaohitaji kurekebisha taarifa zao, waliopoteza au kazi zao za mpiga kura kuharibika na wanaotaka kuhamisha taarifa za mpiga kura. 

Wananchi wote mnaombwa kufika katika vituo 407 vilivyosambaa kwenye kata zote 41 za Halmashauri ya Jiji la Dodoma kwa ajili ya uboreshaji wa daftari la kudumu la wapiga kura.