HALMASHAURI ya Jiji la Dodoma imeongeza masaa ya mawili kila siku kwa shule za sekondari ili kufidia muda uliopotea katika mapumziko ya ugonjwa wa Covid-19 kwa lengo la kutoathiri muhtasari wa elimu na kuwapatia wanafunzi elimu inayostahili kwa mujibu wa ratiba.
Jiji la Dodoma limeandaa program ya mafunzo kwa wanafunzi wa shule za msingi na sekondari ambao kwa kipindi hiki wako nyumbani wakati wa likizo ya mapambano dhidi ya maambukizi ya virusi vya Corona vinavyosababisha ugonjwa wa Covid-19.
Program hiyo itahusisha masomo kwa njia ya vipindi vya redio, picha za video kupitia televisheni ya mtandaoni, na kwa kutumia nakala laini 'softcopy' kwenye tovuti ya jiji la dodoma.
Msikilize Mkurugenzi wa Jiji la Dodoma Godwin Kunambi akifafanua zaidi.
