Mkurugenzi wa Jiji la Dodoma anawatangazia wananchi wote kuwa na Tahadhari ya kujikinga na ugonjwa wa Corona (COVID-19)
Ugonjwa huu husambaa kwa njia ya hewa kutoka kwa mtu mmoja kwenda kwa mtu mwingine kupitia vitone vidogo vidogo vya mate vinavyoruka toka puani au mdomoni kutoka kwa mtu mwenye maambukizi ya virusi hivyo anapopiga chafya, kukohoa au kupumua au kwa kugusa majimaji au makamasi kutoka kwa mgonjwa.
Dalili huanza kuonekana kati ya siku moja hadi kumi na nne(1-14) tangu kupata maambukizi.
Dalili za ugonjwa huu ni pamoja na
Homa
Mafua makali
Kuumwa kichwa
Mwili kuchoka
Kikohozi
Kubanwa mbavu
Maumivu ya misuli
Vidonda vya koo
Mapafu kuathirika
Kupumua kwa shida na hata kifo na,
Kwa mtu mwenye historia ya nchi zilizokumbwa na ugonjwa huu
Mtuhuweza kujikinga kwa kunawa mikono kwa maji tiririka na sabuniau kutumia dawa maalumu ya kuua wadudu (Hand sanitizer);
Baada ya kukohoa au kupiga chafya
Baada ya kumhudumia mgonjwa
Kabla na baada ya kuandaa chakula
Kabla ya kula
Baada ya kutoka chooni na,
Baada ya kushika kinyesi cha mnyama au mnyama mwenyewe
Kwa sababu
Ukinawa mikono kwa sabuni na maji au kutumia dawa maalumu ya kusafisha mikono utaua virusi ambao hukaa kwenye mikono .
Jiweke mbali zaidi ya mita moja kutoka kwa mtu anayekohoa au kupiga chafya.
Kwa sababu
Mtu anapopiga chafya au kukohoa hurusha chembechembe za mate ambazo huweza kuwa zimebeba virusi. Ukiwa karibu sana utawavuta virusi hawa unapovuta hewa.
Zingatia kanuni za afya na usafi ikiwa ni pamoja na kukaa mbali na mtu mwenye dalili za mafua mwenye historia ya kusafiri katika nchi zilizokumbwa na ugonjwa huu.
Funika mdomo na pua wakati wa kukohoa kwa kitambaa safi.
Epuka kugusana na mgonjwa mwenye dalili za magonjwa ya njia ya hewa
Epuka kushikana mikono/kukumbatiana au kupigana busu .
Tangazo hili limetolewa na mkurugenzi wa Jiji la Dodoma
