Vipaumbele vikuu katika bajeti ya Jiji la mwaka 2018/2019 ni:-
1) Kuimarisha na kuboresha miundombinu ya utoaji huduma za jamii na uchumi katika Jiji la Dodoma.
2) Ukamilishaji wa Miradi viporo
3) Kuweka mazingira wezeshi yatakayosababisha kuinua na kukuza uchumi wa Halmashauri na kuinua kipato cha mtu mmoja mmoja katika Jiji la Dodoma.
4) Kupanga, kupima ardhi na kusimamia uendelezajiwa mji wa Dodoma ili kuwa na hadhi ya Makao makuu ya Nchi.
Maeneo ya vipaumbele yanayozingatiwa katika mpango na bajeti ya mwaka 2018/19 vimegawanyika katika makundi makuu mawili kutokana na vyanzo vya fedha na kwa kuzingatia mwongozo wa uandaaji wa bajeti.
MAENEO YA VYANZO VYA NDANI (OWNSOURCE):
Halmashauri kwa kutumia vyanzo vya mapato ya ndani ndani kwa mwaka wa fedha 2018/2019 itatekeleza maeneo yafuatayo:-
Kuongeza mapato ya Halmashauri kwa kuibua vyanzo vipya vya mapato,kutumia mfumo wa ki-elektronki na vifaa vya kukusanyia mapato vya ki-elekroniki (POS), kukusanya takwimu sahihi ,tathmini ya mara kwa mara na kuongeza usimamizi wa karibu kwa kila chanzo.
Uwekezaji wa Miradi mikubwa ya kimkakati , Kiuchumi ili kupunguza utegemezi wa Manispaa kwa Serikali kuu, kutokana na Fedha za Serikali, Njia ya miradi shirikishi ya PPP, Mikopo katika Mabenki
Kuchangia miradi ya maendeleo kwa shughuli zilizoanzishwa na zitakazoanzishwa na wananchi kama njia mojawapo ya kuunga mkono juhudi zao.
Kuendelea na upimaji wa maeneo mbalimbali katika Manispaa ya Dodoma na kutwaa maeneo na kulipa fidia ili ikue kwa kuzingatia mipango endelevu ya ardhi.
Kufungua barabara kwa kuzingatia mipango ya ardhi katika maeneo mapya ya Upimaji
Kutoa huduma bora ya Afya na kujenga miundombinu ya utoaji huduma za Afya ( Zahanati na Vituo vya Afya ) Kujenga nyumba za watumishi na kutenga fedha kwaajili ya mchakato wa ujenzi wa Hosipitali ya Wilaya.
Kuboresha utoaji wa elimu kwa kuimarisha miundo mbinu ya elimu,(Kama Madarasa, Maabara na Nyumba za walimu, uhamisho wa walimu (Msingi na Sekondari) na kupeleke fedha mashuleni kwa ajili ya kuchangia shughuli za uendeshwaji wa shule.
Kujenga na kuboresha masoko, D – center na C-center na vyoo katika maeneo muhimu ya masoko, maeneo ya wazi , minada na kuboresha mnada wa Msalato.
Kuendeleza kilimo cha umwagiliaji katika Jiji la Dodoma na kuhamasisha wananchi kukulima mazao ya mbegu za mafuta, korosho na kuendeleza zao la zabibu ili liwe zao kuu la biashara Dodoma.
Kuwezesha vikundi vya wakulima kutumia zana bora za kilimo na mashine ndogo za usindikaji mazao.
Kutoa mikopo kwa wanawake , vijana na watu wenye ulemavu na kusaidia makundi maalum kama ya watoto wanaoishi katika mazingira hatarishi, Albino na wazee
Kuboresha kitengo cha LOW COST ili kuzalisha bidhaa za ujenzi kwa gharama nafuu na kusaidia/kuharakisha ukamilishaji wa miradi ya Ujenzi ( Madarasa, Maabara, Vituo vya Afya Nyumba za Watumishi nk)
Kujenga Mazingira mazuri ya kufanyia kazi kwa watumishi wa Jiji la Dodoma kwa Kulipa madeni mbalimbali ya wazabuni na watumishi na pia Kutoa vitendea kazi kwa watendaji wa Kata na vijiji.
Kukarabati majengo na miundombinu mbalimbali ya Halmashauri ili kuboresha utoaji wa huduma.za jamii ( Maji, Afya, Elimu n.k)
Kuendelea kuelimisha jamii kuhusu lishe bora na kupambana na udumavu wa watoto chini ya miaka mitano.
Kuimarisha miudombinu na kuboresha matumizi ya TEHAMA.
Kuimarisha huduma za uzoaji, uchambuzi, usafirishaji na uzikaji salama wa taka ngumu.
Ujenzi wa machinjio ya kisasa ya Halmashauri ya Jiji la Dodoma.
Kupima na kutengeneza hati maeneo yanayomilikiwa na Halmashauri
Kujenga mitaro ya miundombinu ya barabara katika makazi mapya
Kujengea uwezo Mabaraza ya Kata.
Aidha katika bajeti hii ya Mwaka wa fedha 2018/2019 fedha zilizoelekezwa kwenye miradi ya Maendeleo ni shilingi 54,560,816,638.00 sawa na asilimia 81.00 ya bajeti yote ambayo ni shilingi 67,149,647,027.00 ya mapato ya ndani.
RUZUKU KUTOKA SERIKALI KUU NA WAFADHILI
Maeneo yaliyopewa kipaumbele kutokana ruzuku kutoka Serikali Kuu na wafadhili ni kama ifuatavyo:-
Kulipa mishahara ya watumishi na shughuli za uendeshaji.
Kuwasilisha asilimia 20 ya GPG kwa shughuliza serikali za mitaa.
Kukamilisha ujenzi wa maabara,vyumba vya madarasa,nyumba za watumishi katika shule za Sekondari na shule za msingi na Sekta ya Afya.
Kukamilisha miradi viporo iliyoanzishwa na wananchi
Kuongeza kiwango cha upatikanaji wa maji safi na salama kupitia mradi wa Maji na usafi wa Mazingira Vijijini (RWSSP).
Kuboresha upatikanaji wa huduma za Afya kwa kununua madawa na vifaa tiba, ujenzi na ukarabati wa kutolea huduma za afya na nyumba za watumishi.
Uendeshaji wa elimu bure, mitihani na kupeleka ada mbadala (capitation), chakula fedha za madawati katika shule za msingi na sekondari.
Kuwajengea uwezo watumishi na Waheshimiwa Madiwani.
