Kwa nini uwekeze Dodoma?

Ili kuvutia wawekezaji, Jiji tayari limeandaa maeneo kadhaa ya uwekezaji na kuweka mazingira wezeshi ili kuwapatia waendelezaji.

Eneo la Uwekezaji Njedengwa: ambalo lina Hekta 580 na jumla viwanja 141 vya uwekezaji vyenye ukubwa wa kati ya ekari 2 hadi 26 kwa kiwanja kimoja kutegemeana na uhitaji wa mwekezaji.

Majengo yanayo paswa kujengwa ni maghorofa ya makazi,majengo ya biashara na huduma za jamii. Kati ya viwanja hivyo, viwanaja vya Taasisi ni 46, vya kibiashara 20 na makazi maalumu 75. Eneo hili tayari lina miundo mbinu ya barabara za lami, maji na umeme na yote inatumika.

Mji Mpya wa Iyumbu: Una ukumbwa wa hekta 252 na kuna viwanja 242, kati ya hivyo vya biashara ni 10, Viwanda vidogo 2, biashara na makazi 173 na makazi maalum 57 na kuna uwanja wa michezo "Iyumbu Town Center".

Kwa ujumla Jiji la Dodoma kuna:- 

• Maeneo yaliyopangwa na miundombinu iliyosanifiwa vizuri.
• Hakuna msongamano wa magari kutokana na kuwepo kwa mpangilio mzuri wa mfumo wa barabara. (barabara za lami za ndani zinaendelea kujengwa. Mf barabara za Martin Luther – Swaswa, Wajenzi – Chang’ombe, Meriwa – Swaswa, Emaus – African dream, Ipagala –Ilazo, Kisasa - Njedengwa).
• Kuna maeneo ya kupumzikia kama vile Nyerere Square, Bustani ya Chinangali Park, nk.
• Gharama za kutwaa ardhi ni nafuu na ni vyepesi kupata hati milki za ardhi  kutoka Manispaa
• Kuna wepesi katika kuidhinishiwa ramani za ujenzi na
• Manispaa inajali na kuzingatia mahitaji binafsi ya waendelezaji.

Majengo yanayopendekezwa kujengwa eneo la Iyumbu