Serikali imeweka Mfumo wa Utoaji Vibali vya kusafiria nje ya Nchi kwa njia ya Mtandao ili kurahisisha na kuongeza ufanisi katika kushughulikia maombi ya Vibali.
Kipengele cha dharura kimewekwa kwa ajili ya safari za dharura tu ili kukidhi maombi ya wagonjwa pamoja na mialiko/safari za kiserikali za dharura. Hivyo, waombaji wanapaswa kutuma maombi yao siku 14 kabla ya safari zao za kawaida ikiwa ni muda wa chini kabisa.
Ili kuomba kibali cha kusafiri nje ya nchi, mtumishi wa Jiji la Dodoma anatakiwa kuwasiliana na Afisa TEHAMA wa Jiji ili asajiriwe kwanza kwenye Mfumo (eSafari) ndipo apate nafasi ya kuingia kwenye mfumo na kujaza fomu ya maombi. Inaweza kuwa ni maombi ya kawaida ama ya dharura kutegemeana na uhitaji.
Kwa msaada zaidi wasiliana na Afisa TEHAMA ye yote wa Jiji la Dodoma.
MAELEZO YA AWALI KWA MWOMBAJI WA KIBALI CHA KUSAFIRI MUHIMU:
Maombi yaletwe siku kumi na nne (14) kabla ya safari ikiwa ni muda wa chini kabisa.
Kumbukumbu za kuthibitisha umuhimu wa safari hiyo ziambatanishwe (e.g. barua ya wito wa mkutano/masomo n.k).
Nauli, Posho na matumizi mengine yawekwe kwa fedha za Tanzania. Kama hakuna gharama yoyote, sehemu ya gharama ijazwe sifuri(0).
Watumishi wanaopaswa kuomba vibali vya safari za nje kwa kutumia Mfumo huu ni wale tu wanaopewa ruhusa za safari na Katibu Mkuu Kiongozi.
Watumishi wa Serikali/Umma ambao maombi yao hayaidhinishwi na Katibu Mkuu Kiongozi wanapaswa kuomba vibali vyao nje ya Mfumo huu katika mamlaka husika mfano; Rais, Waziri Mkuu, n.k.
