Afisa elimu mkoa wa Dodoma akagua maandalizi ya Juma la elimu ya watu wazima

Imewekwa tarehe: August 17th, 2025

Na. Hellen M. Minja

Habari - DODOMA RS

Afisa Elimu Mkoa wa Dodoma Mwl. Vicent Kayombo ametembelea na kukagua maandalizi ya Maadhimisho ya Juma la Elimu ya Watu Wazima na Elimu Nje ya Mfumo Rasmi Agosti 15, 2025.

Maadhimisho hayo ambayo ni ya Kimkoa, yanatarajiwa kufanyika Wilayani Kondoa siku ya Jumatatu Agosti 18, 2025 yakihudhiriwa na Mgeni rasmi Mkuu wa Mkoa wa Dodoma Mhe. Rosemary Senyamule.

Miongoni mwa maeneo aliyoyatembelea ni pamoja na eneo la maadhimisho, maandalizi ya maonesho yanayofanyika katika shule ya Sekondari ya Wasichana Kondoa na Shule ya msingi Mpalangwi pamoja na mradi wa IPOSA unaolenga kuwakomboa vijana hasa wa kike kiuchumi kwa kujifunza ujasiriamali.