Dkt. Samia atoa zawadi ya sikukuu ya Krismasi kwenye kituo cha Hisani Makao

Imewekwa tarehe: December 25th, 2022

Rais wa Jamhuri ya Muungano wa Tanzania Dkt Samia Suluhu Hassan ametoa zawadi ya Sikukuu ya X'mass kwa watoto waishio katika mazingira magumu kwenye kituo cha Hisani Makao kilichopo Wilayani Ilemela Mkoani Mwanza.

Akikabidhi zawadi hizo kwa watoto hao kwa niaba ya Rais,Mkuu wa Mkoa wa Mwanza Adam Malima, amewaomba watoto hao wasijione wanyonge au kutengwa kwani Serikali na jamii inayowazunguka ipo nao katika shida na raha hivyo waendelee kuishi kwa amani na upendo

Mkuu huyo wa Mkoa amesema Dkt Samia anaendelea kuwakumbuka na kuwajali hivyo wana kila sababu ya kuishi kwa furaha na kuzingatia kusoma kwa bidii.

"Nimesikia taarifa ya kituo chenu zile changamoto zinazowakabili kama upungufu wa magodoro na nitakaa na wenzangu na kuzitatua Ila hili la ukosefu wa maji namuagiza Mkuu wa Wilaya alifanyie kazi Kwa kushirikiana na Mamlaka ya maji" amesema Malima

Mkurugenzi wa Kituo hicho Grace Kano amesema kituo hicho kimeanzishwa tangu mwa 2000 na kina watoto 108.