Dodoma Jiji FC, Biashara United uso kwa uso leo

Imewekwa tarehe: November 20th, 2020

TIMU ya soka ya Dodoma Jiji FC inayomilikiwa na Halmashauri ya Jiji la Dodoma leo Ijumaa Novemba 20, 2020 inajitupa uwanjani kupambana na timu ya Biashara United ya Mara katika dimba la Jamhuri Jijini Dodoma.

Mchezo huo utachzwa saa 10:00 jioni na unatarajiwa kuwa mgumu kwa pande zote mbili kutokana na vikosi na wachezaji wenye uwezo mkubwa.

Kocha Mkuu wa Dodoma Jiji FC Mbwana Makata alisema maandalizi yote kuelekea mchezo huo yamekamilika na atawakosa wachezaji watatu akiwemo kiungo Rajabu Mgalula mwenye kadi tatu za njano pamoja na Anderson Solomon na Anuari Jabir ambao wanaitumikia timu ya taifa ya Tanzania ya vijana chini ya miaka 20 (Ngorongoro Heroes).

kwa upande wake, msemaji wa timu hiyo Ramadhani Juma alitoa wito kwa mashabiki wa timu hiyo na wakazi wa Jiji la Dodoma kujitokeza kwa wingi uwanjani kushuhudia mchezo huo na kuwatia nguvu wachezaji wao.

Juma alisema kiingilio kwenye mchezo huo ni shilingi elfu tatu (3,000/-) tu kwa watu wazima na shilingi elfu moja na mia tano (1,500/-) tu kwa watoto.