Dodoma Jiji FC kuivaa Coastal Union leo Mkwakwani

Imewekwa tarehe: September 20th, 2020

TIMU ya Dodoma Jiji FC leo itakuwa uwanjani kwenye dimba la Mkwakwani jijini Tanga kupambana na wenyeji wao Coastal Union 'Wagosi wa kaya' kucheza mchezo wao wa tatu wa Ligi Kuu ya Vodacom Tanzania Bara.

Wenyeji Coastal Union ambao wameshapoteza michezo miwili ya mwanzo wana kibarua kigumu kuwazuia 'Walima Zabibu' wa Dodoma Jiji FC ambao wametamba kuendeleza ushindi kwa kila timu wanayokutana nayo. Dodoma Jiji wana hari kubwa hasa baada ya kushinda michezo yao miwili dhidi ya Mwadui FC na JKT Tanzania.

Kocha Mkuu Mbwana Makata amethibitisha kuwa "timu iko vizuri, hatuna majeruhi na vijana wangu wana hari kubwa kuhakikisha wanaondoka na ushindi" amesema Makata.

Kila la heri timu yetu Dodoma Jiji FC