Dodoma kuwa Jiji la Asili

Imewekwa tarehe: October 24th, 2019

Jiji la Asili ni mradi unaolenga kuonyesha uthamani wa uoto wa asili mjini. Mradi huu unahusisha mikoa minne (4) nchini Tanzania  ambayo ni Dar es salaam , Arusha , Kilimanjaro na Dodoma. Mikoa hii imechaguliwa kuwa sehemu ya kwanza ya mpango huo ili kuwafanya watu wawe na uelewa juu ya uoto wa asili mijini.

Mradi huu wa Jiji la Asili ulianzishwa na kampuni ya ICLEI mwaka 2017  na utadumu hadi 2020  ukiungwa mkono na Serikali ya awamu ya tano kupitia Ofisi ya Rais Tawala za Mikoa na Serikali  za Mitaa (OR- TAMISEMI). Jijini Dodoma wanaosimamia mradi huu ni BORDA  na taasisi ya NIPE FAGIO .

Taasisi hizi za mazingira zimeshirikiana kutekeleza ufungwaji maji kijivu katika eneo la wazi la Nyerere Square na kuboresha bustani hiyo yenye uoto wenye mimea tofauti tofauti na inaruhusu kila raia kutembelea kupumzika na kuingiliana na  viumbe hai kama vipepeo na wengine wazuri,  zaidi ya hayo ni kuongeza uelewa  juu ya utunzaji wa  mazingira.

Akipongeza tukio hilo la kuboresha eneo la wazi la Nyerere Square Mstahiki Meya wa Halmashauri ya Jiji la Dodoma Prof. Davis Mwamfupe amesema kuwa kwa niaba ya Halmashauri  na wananchi wa jiji la Dodoma tunashukuru sana kwa kutuonyesha mfano jinsi gani tutunze mazingira yetu . hivyo watu wote  wazee, vijana na watoto mazingira yanawahusu kwa hivyo maendeleo ya miji yetu yanatuhusu sisi sote.

Aidha alimalizia kwa kusema wananchi tutengeneze  bustani na tuzitunze ili tuache sehemu ya mji kupumua pia vyombo vya habari na wana habari muwe washawishi wakubwa wa utunzaji wa mazingira na uhifadhi wa misitu ili mjini kubaki na uoto asili na kuwa mahali pakuvutia alisema Prof. Mwamfupe

Mhandishi mradi wa taasisi ya BORDA  Charles Mhamba alisema kuwa mradi huu unaendeshwa na maji ya kunawia mkono katika choo chetu cha hapa hapa Nyerere square na pia maji haya yanaweza kukuza nyasi na miti kama mizabibu ambayo pia tumepanda hapa ili kutengeneza kivuli cha asili hapo baadae.