JPM awaapisha wateule wapya Ikulu ya Chamwino

Imewekwa tarehe: July 16th, 2020

Rais wa Jamhuri ya Muungano wa Tanzania, Mheshimiwa Dkt. John Pombe Magufuli amewaapisha viongozi mbalimbali aliowateua jana, hafla ya kuapishwa imefanyika leo Ikulu ya Chamwino Dodoma.

Kuona taarifa ya Ikulu kuhusu teuzi husika bofya hapa: Taarifa ya Ikulu Chamwino kwa Vyombo vya Habari 15 Julai, 2020

Rais wa Jamhuri ya Muungano wa Tanzania Mheshimiwa Dkt. John Pombe Magufuli akimuapisha Dkt. Boniface Luhende kuwa Naibu Wakili Mkuu wa Serikali katika hafla fupi iliyofanyika katika Ikulu ya Chamwino mkoani Dodoma leo tarehe 16 Julai 2020.

Viongozi mbalimbali wakila kiapo cha Uadilifu kwa Viongozi wa Umma Ikulu ya Chamwino mkoani Dodoma. (Picha ya juu na chini)

Rais wa Jamhuri ya Muungano wa Tanzania Mheshimiwa Dkt. John Pombe Magufuli akimuapisha Dkt. Maduhu Isaac Kazi kuwa Mkurugenzi Mtendaji wa Kituo cha Uwekezaji Tanzania (TIC) katika hafla fupi iliyofanyika katika Ikulu ya Chamwino mkoani Dodoma leo tarehe 16 Julai 2020.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akimuapisha Gabriel Pascal Malata kuwa Wakili Mkuu wa Serikali katika hafla fupi iliyofanyika katika Ikulu ya Chamwino mkoani Dodoma leo tarehe 16 Julai 2020.

Rais wa Jamhuri ya Muungano wa Tanzania Mheshimiwa Dkt. John Pombe Magufuli akizungumza jambo na Wakuu wa Mikoa ya Dar es Salaam Aboubakar Kunenge pamoja na Mkuu wa Mkoa wa Manyara Joseph Joseph Mkirikiti mara baada ya kuwaapisha Ikulu ya Chamwino Mkoani Dodoma.