Kikundi cha Walemavu chaanza kufaidi mkopo wa Jiji

Imewekwa tarehe: May 21st, 2020

Kikundi cha Jambo Zuri cha Kata ya Mnadani Jijini hapa leo kimekabidhiwa rasmi pikipiki tatu na Naibu Waziri wa Nchi Ofisi ya Waziri Mkuu Kazi,Vijana na Ajira ambaye pia ni Mbunge wa Jimbo la Dodoma mjini Mhe. Anthony Mavunde.

Tukio hilo limefanyika katika ofisi za Halmashauri ya Jiji la Dodoma na kuhudhuriwa na Diwani wa Kata ya Mnadani Mhe. Farida Mbaruku na Mkuu wa Idara ya Maendeleo ya Jamii wa Jiji la Dodoma Sharifa Nabalang'anya, wanakikundi na baadhi ya wananchi. Kikundi cha Jambo Zuri ni miongoni mwa vikundi vya walemavu vilivyonufaika na mikopo inayotolewa na Halmashauri ya Jiji la Dodoma kutoka katika mapato ya vyanzo vya ndani ya Halmashauri.

Akikabidhi pikipiki hizo Mhe. Mavunde aliwataka wanakikundi hao kutumia pikipiki hizo kwa malengo yaliyokusudiwa ili ziwainue kiuchumi na kuboresha maisha yao, Aidha Mbunge huyo alitoa kiasi cha fedha kwa kikundi hicho kuunga mkono jitihada zao za kujikwamua kiuchumi kwa kuanzisha mradi huo wa biashara ya pikipiki.

Mheshimiwa Diwani wa Kata ya Mnadani Farida Mbaruku akiwa katika picha ya pamoja na wanakikundi wa Jambo Zuri baada ya kikundi hicho kukabidhiwa pikipiki walizonunua baada ya kupaata mkopo kutoka Halmashauri ya Jiji la Dodoma.