Kwaheri 'Window 7', Microsoft yasitisha kuhuisha

Imewekwa tarehe: January 14th, 2020

KAMPUNI ya Microsoft imesitisha kutoa msaada wa kuhuisha (update) Mfumo Endeshi wa Windows 7 baada ya Januari 14, 2020. Msaada wa ku’update software, ku’update mfumo wenyewe havitopatikana kwenye kompyuta zinazotumia mfumo huo, ambapo watumiaji wote wa mfumo huo wanashauriwa kuhamia kwenye mfumo endeshi wa Windows 10 ili kuepukana na usumbufu wowote unaowezakutokea.

Mfumo endeshi wa Windows 7 ulizinduliwa na kampuni hiyo kwa mara ya kwanza Oktoba 22, 2009, ambapo kampuni hiyo imesema mfumo huo umepitwa na wakati na nia yake sasa ni kuachana nayo na kujikita zaidi katika teknolojia mpya za sasa na zile ambazo watazivumbua.

Mwonekano wa Mfumo Endeshi wa Window 7 kwenye kompyuta inapofunguliwa.