Mapendekezo ya Mpango na Maendeleo ya Bajeti ya Serikali 2020/21 yawasilishwa Bungeni

Imewekwa tarehe: November 15th, 2019

Serikali imewasilisha bungeni Mapendekezo ya Mpango wa Maendeleo wa Taifa na Mwongozo wa maandalizi ya Mpango na Bajeti ya Serikali kwa mwaka 2020/21 katika hotuba iliyosomwa na Waziri wa Fedha na Mipango Mhe. Dkt. Philip Mpango (Mb) mbele ya Bunge la Jamhuri ya Muungano wa Tanzania.

Katika Hotuba hiyo Waziri Mpango alitaja mafanikio yaliyofanywa na Serikali ya Awamu ya Tano inayoongozwa na Rais Dkt. John Pombe Magufuli. Moja ya mafanikio hayo ni kuhamishia shughuli za Serikali Makao Makuu Dodoma ameainisha Dkt. Mpango.

Akifafanua zaidi Dkt. Mpango amesema, Serikali imefanikisha ndoto ya Baba wa Taifa Mwl. Julius Kambarage Nyerere kuhamishia Makao Makuu ya Serikali jijini Dodoma kwa ajili ya kurahisisha utoaji wa huduma kwa wananchi ambapo jumla ya watumishi 8,883 wa Wizara na Taasisi za Serikali wamehamishiwa Makao Makuu ya Serikali, Dodoma na ujenzi wa ofisi 23 za Wizara katika mji wa Serikali, Mtumba umekamilika, ikijumuisha Ofisi ya Mwanasheria Mkuu wa Serikali.

Bofya hapa kusoma: Hotuba ya Waziri wa Fedha na Mipango Mhe. Dkt. Philip Mpango (Mb) ya Mapendekezo ya Mpango wa Maendeleo wa Taifa na Mwongozo wa Maandalizi ya Mpango na Bajeti ya Serikali kwa Mwaka 2020/21  (Hotuba ya Mhe. WFM Bungeni 5.11.2019)

Chanzo: www.bunge.go.tz