Mbunge wa Dodoma Mjini amshukuru Rais kwa kuleta maendeleo

Imewekwa tarehe: January 24th, 2024

Na. Leah Mabalwe, DODOMA

MBUNGE wa Dodoma Mjini, Anthony Mavunde ametoa shukrani za dhati kwa Rais wa Jamhuri ya Muungano wa Tanzania Dkt Samia Suluhu Hassan kwa kuleta Maendeleo makubwa katika Jiji la Dodoma.  

Shukrani hizo alizitoa katika Hafla ya mapokezi ya Katibu Mkuu wa Chama Cha Mapinduzi Taifa, Emmanuel Nchimbi iliyofanyika kwenye  Ofisi ya Makao Makuu ya Chama Cha Mapinduzi jijini Dodoma.

’’Ninatoa shukrani za dhati kwa serikali ya awamu ya sita inayoongozwa na Raisi wetu Dkt. Samia Suluhu Hassan kwa kazi kubwa anayoifanya ya kuleta maendelelo katika jiji letu la Dodoma. Dodoma yetu ya sasa ina maendeleo makubwa ukilinganisha na tulipotoka leo Dodoma yetu ina reli ya kisasa, barabara ya mzunguko, uwanja wa ndege wa kimataifa pasipo kusahau uwanja mkubwa wa mpira unaoendelea kujengwa Nzuguni. Pia kwenye upande wa elimu na afya tumeshuhudia namna shule mpya nyingi zikiendelea kujengwa huku miundo mbinu ya afya na elimu ikiboreshwa”.alisema Mavunde.

Kwaupande wake mwananchi kutoka Kata ya Chamwino, Edivina Evelijisti alimpongeza Rais kwa usimamizi mzuri wa utekelezaji wa ilani ya Chama cha Mapinduzi. ’’Kwanza tunamshukuru sana Katibu Mkuu Taifa kwa kufika katika jiji letu pia tunauhakika kuwa atafikisha pongezi zetu kwa Rais wetu wa awamu ya sita kwa kuendelea kuleta maendeleo makubwa sana katika jiji letu na kusimamia utekelezaji  wa ilani ya Chama cha Mapinduzi kwenye maeneo yetu”. Alisema