Operesheni usafi Soko la Sabasaba yafanikiwa

Imewekwa tarehe: March 28th, 2020

Zoezi la kuondosha vibanda vilivyojengwa juu ya mtaro wa maji ya mvua na usafi katika Soko la Sabasaba uliofanyika leo Jumamosi umefanikiwa kwa sehemu kubwa. Wafanyabiashara waliokuwa wamejenga juu ya mtaro wa mji ya mvua na kusababisha mitaro hiyo kuziba na kuwa kero kwa watumiaji wa soko na wafanyabiashara, waliviondoa wenyewe vibanda hivyo na kuruhusu usafi kufanyika.

Hayo yamesemwa na Mkuu wa Idara ya Mazingira na Udhibiti wa Taka ngumu wa Halmashauri ya Jiji la Dodoma, Dickson Kimaro alipokuwa akitoa taarifa fupi juu ya utekelezaji wa zoezi la kuweka mazingira ya Soko la Sabasaba na maeneo mengine ya Jiji la Dodoma kuwa safi hususani kipindi hiki ambacho suala la usafi ni la muhimu sana ili kudhibiti maambukizi ya magonjwa mbalimbali ikiwamo ugonjwa wa  Covid-19 unaosababishw na virusi vya Corona.

Wafanyabiashara wa soko la Sabasaba wakishiriki kuondosha vibanda vilivyokuwa vimejengwa kuu ya mtaro wa maji ya mvua.