Rais Dkt. Chakwera wa Malawi kuzuru Tanzania

Imewekwa tarehe: October 6th, 2020

WAZIRI wa Mambo ya Nje na Ushirikiano wa Afrika Mashariki Prof. Palamagamba John Kabudi leo tarehe 6 Oktoba, 2020 amefanya Mkutano na waandishi wa Habari na kueleza kuhusu ujio wa Rais wa Jamhuri ya Malawi, Mhe. Dkt. Lazarus Chakwera nchini Tanzania. Prof. Kabudi amesema Rais wa Malawi anatarajiwa kuwasili nchini Tanzania tarehe 7 Oktoba, 2020 na atapokelewa na mwenyeji wake Rais wa Jamhuri ya Muungano wa Tanzania Mhe. John Pombe Magufuli. Dkt. Lazarus Chakwera atatembelea bandari ya Dar es Salaam ili kujionea shughuli mbalimbali  za bandari hiyo na uboreshaji wa miundombinu ya bandari.

Katika ziara hiyo pia  Rais Lazarus akiwa na mwenyeji wake Rais John Pombe Magufuli wataweka jiwe la msingi katika kituo cha mabasi ya kwenda mikoani Mbezi mwisho Dar es Salaam.