Rais Magufuli amlilia Balozi Lusinde

Imewekwa tarehe: July 8th, 2020

Rais wa Jamhuri ya Muungano wa Tanzania Mheshimwa Dkt. John Pombe Magufuli amesikitishwa na kifo cha Mwanasiasa nguli na mpigania uhuru wa Tanzania Balozi Job Malecela Lusinde aliyefariki jana katika Hospitali ya Mloganzila Jijini Dar es Salaaam alikokuwa akitibiwa.

Katika ukurasa wake rasmi wa Tweeter Mhe. Rais ameandika "Nimesikitishwa na kifo cha Mzee wetu Balozi (Mst) Job Lusinde. Nawapa pole Familia, wana Dodoma na Watanzania. Nitaukumbuka mchango wake mkubwa kwa Taifa akiwa Waziri, Balozi, Mdhamini wa CCM na Kiongozi wa Wazee wa Dodoma. Pumzika salama Mtani wangu, kazi kubwa umeifanya." amemalizia Mhe. Dkt. Magufuli.