TANZIA: "Mzee Mkapa hatunaye tena" - Rais Magufuli

Imewekwa tarehe: July 24th, 2020

Rais wa awamu ya tatu wa Jamhuri ya Muungano wa Tanzania, Mhe. Benjamin William Mkapa amefariki dunia Jijini Dar es Salaam katika Hospitali alipokuwa akipatiwa matibabu.

Habari za kifo chake zimetangazwa rasmi na Rais wa Jamhuri ya Muungano wa Tanzania Dkt. John Pombe Magufulil usiku wa kuamkia leo tarehe 24/07/2020.

"Mzee Benjamin William Mkapa Rais wa awamu ya tatu amefariki, amefariki leo kwenye Hospitali Dar es Salaam ambapo alikuwa amelazwa...Mzee Mkapa hatunaye tena" amesema Rais Dkt. John Pombe Magufuli kwa huzuni. Aidha, Rais amesema taarifa zaidi zitaendelea kutolewa.

Bofya hapa kusoma taarifa rasmi ya Ikulu: Rais Mstaafu B. W. Mkapa afariki dunia

Rais wa Jamhuri ya Muungano wa Tanzania Mhe. Dkt. John Pombe Magufuli akilitangazia taifa juu ya msiba mkubwa kwa Taifa wa kuondokewa na Rais Mstaafu wa Awamu ya Tatu Mhe. Benjamin William Mkapa ambaye amefariki leo.