"Tunataka Jiji la Dodoma liwe Jiji kweli" - JPM

Imewekwa tarehe: July 11th, 2020

Rais wa Jamhuri ya Muungano wa Tanzania Mhe. Dkt. John Pombe Magufuli amewakatibisha wajumbe wa Mkutano Mkuu wa Chama Cha Mapinduzi, wanahabari na wasanii kutembelea Ikulu mpya ya Chamwino huku akielezea matarajio yake juu ya Jiji la Dodoma kwa miaka ijayo.

Katika moja ya maelezo yake Rais amesema, "...na kadiri miaka inavyozidikuja, Jiji la Dodoma litakuwa zuri sana. Tumeshapanga kuanza kujenga barabara ya mzunguko ya kilometa 110 yenye njia nje, na fedha zipo, zaidi ya Bilioni 600. Kuna Bilioni 500 zipo, tumeanza 'process' ya kuanza kujenga uwanja mkubwa wenye urefu wa zaidi ya Kilometa 3 ambapo ndege zote zinaweza zikatua kule Msalato,

Lakini wakati tunaendelea na 'process' za 'tendering' tumeamua uwanja huu tulionao kuupanua, zilikuwa zimebaki mita 500. Tunataka umalizike ndani ya miezi michache, ili Airbus na ndege zingine kubwa kubwa nazo zianze kutua hapa.

Tunataka Jiji la Dodoma liwe Jiji kweli, na hapa ndio Makao Makuu ambapo baraka zote zililetwa na Baba wa Taifa Mwalimu Julius Kambarage Nyerere". alisisitiza Rais Magufuli.