Wananchi toeni ushirikiano kwa watumishi wa umma - Bashungwa

Imewekwa tarehe: September 28th, 2022

Angela Msimbira, MANYARA

Waziri wa Nchi Ofisi ya Rais Tawala za Mikoa na Serikali za Mitaa, Mhe. Innocent Bashungwa ametoa wito kwa wananchi kutoa ushirikiano kwa watumishi wanaopangiwa kazi kwenye maeneo yao katika sekta mbalimbali ikiwa ni pamoja na Afya, Elimu na Utawala.

Akiongea na wananchi wa tarafa ya Hilbadaw, Halmashauri ya Wilaya ya   Hanang' Mkoani Manyara amesema wananchi wanawajibu wa kushirikiana na watumishi  ili kuleta maendeo kwa Halmashauri na Taifa kwa ujumla.

Bashungwa  amesema Serikali inaleta watumishi wa umma kuchochea  maendeleo hivyo tushirikiane nao katika kuhakikisha wanatimiza majukumu yao ikiwemo kuwapa huduma bora zinazoratibiwa na Serikali yao.

Amesema kuwa Serikali inawajibu wa kuwaletea maendeleo wananchi, hivyo kunahitajika ushirikiano na mshikamano kati ya wananchi na Serikali ikiwa ni pamoja na watumishi wake.