Wasajili wa mfumo wa usajili wa wafanyabiashara ndogondogo wametakiwa kuwa waadilifu

Imewekwa tarehe: February 10th, 2024

WASAJILI wa mfumo wa usajili wa wafanyabiashara ndogondogo wametakiwa kuwa waadilifu katika utoaji wa vitambulisho kwa kuwapatia wale ambao wanastahili.

Agizo hilo limetolewa na Waziri wa Maendeleo ya Jamii, Jinsia, Wanawake na Makundi Maalum, Dkt. Dorothy Gwajima jijini Dodoma wakati akifungua mafunzo kwa Maafisa Maendeleo ya Jamii, Maafisa Biashara 

na Maafisa TEHAMA ngazi ya mikoa kuhusu utambuzi, usajili na utoaji wa vitambulisho vya wafanyabiashara ndogondogo nchini.

Waziri Dkt. Gwajima amewaagiza wataalamu hao kuhakikisha wanakwenda kutoa elimu waliyoipata kwa wataalamu ngazi ya wilaya na kata na kufanya kazi kwa kushirikiana baina yao kwa sababu mfumo

umetengenezwa kila mmoja kushiriki.

“Tunachofanya hapa ni kutekeleza maelekezo ya mhe Rais yenye lengo la kuwasaidia wafanya biashara wadogo hivyo usajili unatakiwa kufanyika haraka ili suala la utoaji mikopo lianze” amesema Dkt. Gwajima.

Ameongeza kwamba mafunzo hayo yanayolenga kuchochea maendeleo ya wafanyabiashara ndogondogo nchini ambayo ni ajenda ya Rais Dkt. Samia Suluhu Hassan kwamba, wafanya biashara ndogondogo

 watambulikwe na waunganishwe na mifumo ya fursa za kiuchumi.

“Ni imani yangu kuwa sote tutakuwa tayari kutekeleza jukumu hili muhimu mara tu baada ya kupata mafunzo haya ikiwa ni kwenda kusimamia na kutoa mafunzo kwa Maafisa Biashara, Maafisa

Maendeleo ya Jamii na Maafisa TEHAMA katika ngazi ya Mamlaka za Serikali za Mitaa kwenye mikoa yenu. Hivyo, kufanikiwa kwa zoezi la utambuzi, usajili na utoaji wa vitambulisho kwa 

wafanyabiashara ndogondogo nchini kutategemea juhudi zenu za kujituma katika kutoa mafunzo, kusimamia zoezi hilo kwa karibu pamoja na kushirikiana na Maafisa hao kufuatilia kila hatua ili kufikia lengo 

lililokusudiwa.”