Waziri Mkuu awataka Wakuu wa Wilaya na Waganga wakuu kusimamia maadili ya utumishi sekta ya Afya

Imewekwa tarehe: January 8th, 2023

WAZIRI  Mkuu, Kassim Majaliwa amewataka wakuu wa wilaya na waganga wakuu wa mikoa na halmashauri zote nchini kusinamia maadili kwa watumishi wa sekta ya afya ili fedha zinazotolewa kwenye sekta hiyo ziendane na ubora wa huduma zinazotolewa kwa watanzania.

Amesema Mheshimiwa Rais Dkt. Samia Suluhu Hassan ameendelea kuhakikisha anatoa fedha kwa ajili ya ujenzi wa miundombinu ya afya, ununuzi wa dawa na vifaa tiba, hivyo dhamira yake hiyo ni lazima iendane na ubora wa huduma zinazotolewa wa watumishi katika sekta ya afya.

Ameyasema hayo wakati akizungumza na viongozi wa Serikali wa mkoa wa Ruvuma, kwenye ukumbi wa Mikutano wa Manispaa ya Songea.

Pia, amewaagiza wakuu wa wilaya kusimamia upatikanaji wa dawa kutoka Bohari Kuu ya Dawa (MSD)  kwani Rais Dkt. Samia anatoa fedha za ununuzi wa dawa “Hatutaki kusikia malalamiko, Serikali kila mwezi inaleta fedha za ununuzi wa dawa, wakuu wa wilaya simamieni hili.”

Katika Hatua nyingine, Waziri Mkuu amewataka Wakuu wa wilaya kwa kushirikiana na Wakurugenzi na Maafisa Elimu kusimamia dhamira ya Mheshimiwa Rais. Dkt. Samia ya kutoa elimu bila malipo kaunzia darasa la awali hadi kidato cha sita kwa kutembelea katika shule na kukagua fomu za kujiunga na shule na kujiridhisha hakuna michango ya hovyo.

Aidha, ameagiza kuwepo na usimamizi wa shughuli za ustawi wa jamii ikiwemo masuala ya kiuchumi na wafanyabiashara wadogo, wakati na wakubwa. “Ni lazima tusimamie mwenendo wa uchumi kwenye jamii zetu, shughuli ambazo zinawaingizia kipato wananchi lazima tuzisimamie na kuziimarisha, lazima tufanye tathimini kama tunafanya vizuri au la, na lazima tujikite kwenye maeneo yote ikiwemo vijijini.”

Kadhalika, Majaliwa amesema viongozi katika halmashauri zote nchini ni lazima waweke utaratibu na kujikita katika kuondoa kero za wananchi pamoja na kuwa na dhana ya ushirikishwaji kwa kuwaeleza kila kinachofanyika Serikalini kwa kutumia vyombo vya habari na kufanya mikutano. “Lazima tufahamu kero zao na  kuzitatua.”

Akizungumza kuhusu makusanyo kwenye Halmashauri nchini Waziri Mkuu ameagiza kufanyike utambuzi wa vyanzo vyote vya mapato na kiasi cha fedha kinachoingia na kuwataka wenyeviti wa halmashairi zote nchini na Mameya kuliwekea nguvu eneo la makusanyo.

Pia ameelekeza kuwa fedha zote zinazokusanywa katika vyanzo vyote ni lazima zipelekwe benki kabla ya matumizi. “Ni muhimu pia kukagua matumizi ya vyombo vyetu ya ukusanyaji wa mapato, fanyeni tathmini za mara kwa mara ya mwenendo wa makusanyo.”

Kwa upande wake, Naibu Waziri Ofisi ya Rais TAMISEMI Dkt. Festo Dugange amesema kuwa Mheshimiwa Rais Dkt. Samia analeta fedha nyingi kwa ajili ya utekelezaji wa huduma za jamii na miradi ya maendeleo katika halmshauri hivyo viongozi katika maeneo hayo wanapaswa kusimamia fedha hizo. “Tunapaswa kusimamia na ni wajibu wetu kufanya hivyo ili tulete matunda yaliyokusudiwa na dhamira ya Rais kwa  Watanzania iweze kufikiwa”

Matangazo

• Wanafunzi waliochaguliwa kujiunga na Kidato cha Kwanza 2023December 14, 2022
• Orodha ya Waliopangwa kwenye Vituo vya Kazi Kada za Afya (Awamu ya Pili) Agosti 2022August 30, 2022
• TANGAZO LA NAFASI ZA AJIRA KWA KADA ZA AFYA (Marudio)July 20, 2022
• TANGAZO LA KAZI - TOAJuly 22, 2022
• MAJINA YA WALIOPATA AJIRA KADA ZA AFYA NA UALIMUJune 26, 2022
• ORODHA YA WAKUU WA KITENGO CHA FEDHA YENYE MABADILIKO 5-5-2022May 06, 2022
• Angalia zote

Taarifa Mpya

• 

  TAASISI ZA SERIKALI KUPITISHWA KWENYE MFUMO WA UKUSANYAJI WA MAPATO WA MAMLAKA ZA SERIKALI ZA MITAA

  January 09, 2023

  
  

•  

• 

  VIONGOZI WA ELIMU MSIKAE OFISINI FUATILIENI UFUNDISHAJI NA UJIFUNZAJI MASHULENI- DKT. DUGANGE

  January 09, 2023

  
  

•  

• 

  WAZIRI MKUU AWATAKA WAKUU WA WILAYA & WAGANGA WAKUU KUSIMAMIA MAADILI KWA WATUMISHI YA AFYA

  January 08, 2023

  
  

•  

• 

  BILONI 1.5 ZIMEPELEKWA MBINGA, UJENZI WA HOSPITALI YA WILAYA -DKT. DUGANGE

  January 07, 2023

  
  

• Angalia zote