Jiji la Dodoma kusaini Mikataba ya Ujenzi wa Majengo ya Vitegauchumi

Imewekwa tarehe: August 26th, 2019

HALMASHAURI ya Jiji la Dodoma kesho tarehe 27/08/2019 inatarajia kusaini mikataba ya ujenzi wa miradi miwili ya vitegauchumi yenye thamani ya zaidi ya shilingi bilioni 68, tukio hilo litashuhudiwa na Waziri wa Nchi, Ofisi ya Rais –Tawala za Mikoa na Serikali za Mitaa (TAMISEMI) Mhe. Seleman Said Jafo (Mb).

Katika tangazo kwa umma lililotolewa na Mkuu wa Kitengo cha TEHAMA na Uhusiano wa Jiji la Dodoma, Joseph Fungo liliitaja miradi hiyo kuwa ni ujenzi wa Hoteli ya Jiji la Dodoma (Dodoma City Hotel) itakayojengwa katika mtaa wa Nyerere na Mkandarasi Stecol Coorporation (China) kwa gharama ya shilingi bilioni 9.995.

Fungo aliutaja mradi wa pili kuwa ni ujenzi wa jengo la kitega uchumi la Jiji (Government City Complex) litakalojengwa katika Mji wa Serikali - Mtumba na Mkandarasi Mohamed Builders Ltd kwa gharama ya shilingi bilioni 59.3.

Taarifa hiyo ilieleza kuwa zoezi hilo litakuwa la wazi litakalofanyika katika katika viwanja vya Nyerere Square Jijini Dodoma, Saa 4:00 asubuhi likihudhuriwa na mamia ya wananchi wa Jiji la Dodoma.

Aidha, ujenzi wa vitegauchumi hivyo utatumia mapato ya ndani ya Halmashauri ya Jiji.

Kuona tangazo bofya hapa: Tangazo la Kusaini Mikataba Ujenzi wa Vitegauchumi