Wagonjwa wapya 5 Corona, sasa wafikia 19

Imewekwa tarehe: March 30th, 2020

Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu ametoa taarifa ya wagonjwa waliothibitika kuwa na maambukizi ya virusi vya Corona katika Maabara Kuu ya Taifa leo tarehe 30 Machi, 2020.

"Ninapenda kutoa taarifa kwamba leo 30 Machi 2020 tumethibitisha kuwepo kwa wagonjwa wapya watano (5) wa COVID-19 baada ya kufanyikwa vipimo katika Maabara yetu Kuu ya Taifa. Kati ya wagonjwa hawa, watatu (3) ni kutoka Dar es Salaam na wawili (2) kutoka Zanzibar, ambao taarifa zao zitatolewa na Waziri wa Afya Zanzibar./

Hivyo sasa jumla ya wagonjwa wa COVID-19 nchini ni kumi na tisa (19) akiwemo mgonjwa mmoja aliyetolewa taarifa na Waziri wa Afya wa Za/nzibar tarehe 28/03/2020" amesema Waziri Ummy.

Mchanganuo wa taarifa ya wagonjwa wapya wa Dar es Salaam ni kama ifuatavyo:

1. Mwanaume, mwenye umri wa miaka 49, mtanzania alikutana na raia wa kigeni kutoka miongoni mwa nchi zilizoathirika zaidi.
2. Mwanamke, mwenye umri wa miaka 21, mtanzania ambaye ni miongoni mwa watu waliokuwa wakifuatiliwa.
3. Mwanaume, mwenye umri wa miaka 49, mtanzania ambaye pia ni miongoni mwa watu waliokuwa wakifuatiliwa.

Vilevile, Waziri Ummy amekazia kuwa "Kazi ya kufuatilia watu wote wa karibu waliokutana na wagonjwa hawa inaendelea (contact tracing). Aidha tunasisitiza na tunawataka wananchi wote kuendelea kuchukua tahadhari ili kujikinga na ugonjwa huu".

Kuisoma taarifa kamili bofya hapa: Taarifa ya Waziri Ummy ya wagonjwa wa corona 30 Machi 2020

Chanzo: wizara_afyatz (Instagram)